İlbaşı berençe milli boralaq dvigatelen tapşıru hӓm dizayn üzӓgen açu tantanasında qatnaştı

Törkiyӓ ilbaşı Rӓcӓp Tayyip Ӓrdoğan İstanbuldağı Vahdettin sarayınnan turıdan - turı êfirda İskeşӓhӓrdӓ “Berençe milli boralaq dvigatele TEİ-TS1400 ne tapşıru hӓm dizayn üzӓgen açu tantanası”nda qatnaştı.

Ul biredӓ yasağan çığışında dönyada dvigatel’ texnologiyӓlӓrendӓ alğa kitkӓn illӓrneň ber qul barmaqları qadӓr az buluın belderep, Törkiyӓneň TUSAŞ motor  sӓnӓğӓte anonim şirkӓteneň dӓ xӓzer dvigatel’lӓr citeşterüçe, proyektlawçı hӓm satuçı marka bulırğa yul totuın citkerde.

Ӓrdoğan: “Bu proyektlar belӓn bez saqlanu sӓnӓğӓtendӓ yaňa çorğa kerӓbez. Dvigatel’ êşlӓp çığaru proyektı qısalarında tormışqa aşırılaçaq investiśiyӓlӓr belӓn TUSAŞ motor sӓnӓğӓte anonim şirkӓte üz tarmağında ilebezdӓ ürnӓk bulır”,- dide.

Törkiyӓ ilbaşı zamança ciňel köbӓle texnika, “Altay” tankı,keşesez hawa apparatları hӓm raketalar dvigatel’lӓren dӓ êşlӓp çığaruların assızıqadı.  

Ӓrdoğan:” Aviaśiya berençe çiratta bulu belӓn bergӓ , barlıq motor törlӓren êşlӓp çığaruda Törkiyӓne dönya markasına ӓwerelderügӓ yaqınlaşabız.Saqlanu sӓnӓğӓtendӓge barlıq texnika motorların êşlӓp çığarğançı bu yünӓleştӓ êşçӓnleklӓr dӓwam itӓçӓk”,-dide.