“Türksat 5A” yaña orbitasında êşçänlegenä başlayaçaq

“Türksat” aksionerlıq cämğiyäte ğomum mödire Cänk Şän “Anadolu” agentlığına Törkiyäneñ 5nçe buın iyärçennäre “Türksat 5A” häm “Türksat 5B” turında mäğ’lümat birde.

Törkiyäneñ xäzerge waqıtta 42 häm 50 däräcälärdä iyärçennäreneñ buluın belderüçe Şän “Türksat 5A”nıñ isä 31 däräcädä xezmät biräçägen häm şuşı orbitadağı böten küçär xoquqlarınıñ saqlanuın täêmin itäçägen äytte.

Şän ğalämdä orbita häm yışlıqlar belän bergä ike möhim faktornıñ buluına iğ’tibarnı yünältep: "“Türksat 5A” soñğı texnologiya belän häm tağın da kübräk köçkä yaña orbitada törle ölkälärne üz êçenä alaçaq räweştä ğalämgä cibäreläçäk. Bu räweşle ğalämdäge urının alıp, çolğap alu mäydannarıbıznıñ kiñäyüen täêmin itäçäk”, - dip äytte.

Şän “Türksat 5B”neñ dä möhim wazıyfası buluın, xäzerge waqıtta xezmät birüçe “Türksat 3A” häm “4A” kebek translyaśiyanıñ yöken taşuçı ike iyärçengä häm almaş bulaçağın häm dä bigräk tä zur internet köçe belän Törkiyäneñ cir asqorması belän ireşelä alınmağan urınnarğa barıp citäçägen añlattı.

Şän şuşı iyärçenneñ bigräk tä aviaśiya häm diñgezçelek tarmaqlarında üz urının alaçaq räweştä ğalämdäge köçeneñ qullanıluın da täêmin itäçägenä basım yasadı.

Şän “Türksat 5A”nıñ xäzerge waqıtta xezmät birüçe êlemtä iyärçennären küätläp toraçaq itep xezmät täq’dim itäçägen, Törkiyä belän ber rättän könbatışındağı häm könçığışındağı illär belän MENA töbäge dip yörtelgän Yaqın Könçığış häm Tön’yaq Afrikanı üz êçenä alaçağın assızıqladı.

Şän “Türksat 5A” iyärçeneneñ kiläse ayda oçırtılaçağın, “Türksat 5B” iyärçeneneñ isä 2021nçe yılnıñ ikençe çiregendä cibärelüeneñ planlaştırıluın belderde.

Şän Törkiyäneñ cirle häm milli iyärçene “Türksat 6A”nıñ da 2022nçe yılda ğalämgä oçırtıluın planlaştırıluın äytte.