“Kanuni” boralaw köymäse Qara diñgezgä ozatıldı

“Kanuni”ne ozatu tantanasında Törkiyä ênergetika häm tabiğıy çığanaqlar ministrı Fatih Dönmäz dä qatnaştı.

Tantanada çığış yasawçı ministr Dönmäz Qara diñgezdä alıp barılğan êşçänlek belän bäyle bularaq: "“Fatih” boralaw köymäse “Tuna-1”dän soñ Sakariya gaz mäydanındağı “Türkali-1”dä yaña boralawına başladı häm xäzerge waqıtta 2 meñ 600 metrğa qadär töştek. “Yawız” köymäse isä “Sälçuklu-1”dä zondajnı 6 meñ metrda tämamladı, ömet birüçe näticälär aldıq häm bu töbäktä yaqında yaña boralawlarıbız bulaçaq”, - dip äytte.

Sakariya gaz mäydanında urnaşqan “Türkali-1” skvajinası häm qoyıda ütkäreläçäk testlar belän xäzerge rezerv häm citeşterü potenśialı xaqında östämä mäğ’lümatneñ täêmin itelüe kötelgän bulsa, bu skvajinadağı êşçänlek ber ük waqıtta mäydannıñ gaz potenśialınıñ tağın da yaxşıraq añlaşıluına mömkinlek biräçäk.

Bu räweşle “Türkali-1” qoyısı “Fatih” boralaw köymäse qazıyaçaq berençe bilgeläw skvajinalarınnan berse bulaçaq häm mäydannıñ texnik üzençälekläreneñ töğäyenläşüendä möhim rol’ uynayaçaq.

“Fatih” gaz tabılğan Sakariya gaz mäydanında bilgeläw qoyıların açqan bulsa, “Kanuni” skvajina testların yasayaçaq häm mäydannı qamilläşterü öçen kiräkle mäğ’lümatlärneñ alınuın täêmin itäçäk.

Törkiyäneñ Qara diñgezdäge êşçänlege qısalarında tuplam 40 citeşterü skvajinası açılaçaq.