"Xörmätsezlek tügel, ä provokaŝiya"

Törkiyä ilbaşı Räcäp Tayyip Ärdoğan başqala Änkaradağı Beştepe Millät, Kongress häm mädäniyät üzägendä Cämiğlär häm diñ êşlekleläre atnalığı uñayınnan oyıştırılğan çarada qatnaştı.

“Franŝiya däwlät başlığı Êmmanu’el’ Makronnıñ möselmannar küp yäşägän şähärdä “İslam krizista” dip äytüe xörmätsezlek tügel, ä provokaŝiya,” – dide ul.

Ärdoğan tübändägeçä däwam itte: “Ayasofiya qararı belän Törkiyä bäysezlege östendäge külägäne beterde, iradäsenä salınğan tağın ber boğawdan qotıldı. Törkiyä dini xoquq häm bäysezleklär mäs’äläsendä ürnäk totış kürsätä fäqat könbatışta başqa atmosfera bar. Bügenge köndä şaqtıy könbatış ilendä däwlätlär üzläre ük rasaçılıq häm İslamğa qarata doşmanlıq yaqlı. Awrupalı säyäsätçelär uñışsızlıqların qaplar öçen möselmannarğa höcüm itä. Makronnın möselmannar küp yäşägän şähärdä “İslam krizista" dip äytüe xörmätsezlek tügel, ä provokaŝiya bulıp tora. Makronnan cawaplı ilbaşı kebek totış kürsätüen kötäbez. Franŝiya prezidentı bularaq İslamnıñ turında süz itüe ädäpsezlek.”