Aksungur 49 säğat' oçtı

Aksungur keşesez hawa apparatı 49 säğat’lek oçış başqardı.

Törek aviaśiyä häm ğaläm sänäğate TUSAŞnıñ Twitter akkauntınnan belderelgänçä, dron 59nçı test oçışın tormışqa aşırğan. Tulayım oçış waqıtı 230 säğat’. Sonğısında Aksungur 49 säğat’ hawada qala alğan.

Bu üseş xaqında bolay dip yazdılar: “49 säğat’ hawada oçıp 59nçı test oçışın tämamlağan Aksungur 20 meñ fut biyeklektä ay-yoldızlı bayrağıbıznı kük yözenä yasadı. Barısı da watan öçen!”

İke motorlı apparat urta biyeklektä awır yök taşu sälätenä iyä. Anıñ 40 meñ fut biyeklekkä qadär ozaq waqıtlı wazıyfalar başqaruı maqsat itep quyıla.

Keşesez hawa apparatı Anka platforması östendä yasaldı. Şuña kürä ul qısqa waqıt êçendä häm arzan bäyägä çığarıldı.