“BMOda tӓwge tapqır törek wӓkilneň yuğarı wazıyfağa saylanuınnan bez bik qanӓğӓt’”

 Azӓrbaycan ilbaşı İlham Aliyev BMOnıň 75 nçe ğomum şura başlığı wazıyfasına Törkiyӓneň namzӓte tulı wӓqalӓtle ilçe Volkan Bozkırnıň saylanuı uňayınnan ilbaşı Rӓcӓp Tayyip Ӓrdoğannı tӓbrik itte.

Aliyev Ӓrdoğanğa cibӓrgӓn yullamasında BMOda tӓwge tapqır törek wӓkilneň yuğarı wazıyfağa saylanuınnan qanӓğӓt’ buluların belderde.

Aliyev: “Törkiyӓ diplomatiyӓseneň sezneň citӓkçelektӓge uňışlı êşçӓnlege nӓticӓsendӓ ilegez xalıqara arenada zur köç qazandı. Azӓrbaycan -Törkiyӓ mönӓsӓbӓtlӓreneň urtaq tırışlıq belӓn uňışlı rӓweştӓ dӓwam itӓçӓgenӓ ışanam. Sezgӓ sӓlamӓtlek hӓm uňışlar, törek xalqına mul ,matur tormış telim”,-dide üz yullamasında.  

İlham Aliyev Volkan Bozkırğa da yullama cibӓrep anı qotladı hӓm uňışlar telӓde.

Êlekke Awrupa Berlege êşlӓrennӓn cawaplı ministr hӓm baş söylӓşüçe Volkan Bozkır Törkiyӓ Böyek Millӓt Mӓcleseneň tışqı êşlӓr komissiyӓse rӓise wazıyfasın da başqara.