Misırda saq astına alınğan Anadolu agentlığı xezmätkäre ilenä qayttı

Misırda sişämbe könne Anadolu agentlığınıñ Kahirädäge filialına oyıştırılğan poliśiyä basqınında saq astına alınğan 4 xezmätkärdän berse - Törkiyä watandaşı Xilmi Balcı irekkä çığarıldı häm ilgä qayttı. Ul irtänge säğat’ 8dä İstanbul aêroportına töşep utırdı. Anı jurnalistlar qarşı aldı.  Balcı interv’yuda ilenä qaytıp citüe öçen Allahqa räxmät uquın, Misırda da milläteneñ häm däwläteneñ teläktäşlegen xis itüen äytte.

 Anadolu agentlığınıñ idarä räise häm ğomum mödire Şenol Kazancı kiçä kiç Misırda saq astına alınğan 4 xezmätkärlärennän berseneñ irekkä cibärelüen beldergän ide. Ul başqalarnıñ da tizdän räşätkä artınnan çığaçağın äytte.

İsegezgä töşeräbez, Misır poliśiyäse 14nçe ğıynvarda Anadolu mäğ’lümat agentlığınıñ Kahirädäge ofisına basqın yasadı häm anda êşläwçe 4 keşene alıp kitte.