Fosfor bombası turında yalğan
Törek armiyäsen fosforlı bomba qullanuda ğayeplädelär häm Liviyädä töşerelgän bomba räsemen kürsättelär
Terroçı oyışma YPG/PKK yaqlılar sośial’ media xisaplarında “ğaräp yazı” çorında Liviyädä töşerelgän fosforlı bombanı “Solıx çişmäse” xäräkäte waqıtında törek xärbiläre qullanğan şikelle itep kürsätte. Alar, şul räweşle, Törkiyä qorallı köçläreneñ xalıqara suğış xoquqına qarşı kilüçe qorallar qullanuı turındağı yalğannı cäyelderergä teli.
Ber internet säxifäsendä bomba räseme astında “Törek armiyäse Rasülayn şähärendä AQŞta yasalğan aq fosfor bombası qullana” dip yazılğan. Ämma şul uq fotoräsemneñ 2012nçe yılda AQŞnıñ “N’yu-York Tayms” gazetında basıluı açıqlandı. Ul Liviyädä “ğaräp yazı” çorında Kaddafigä qarşı suğışuçı köçlär qullanğan qorallar turında söyläwçe mäqalädä urın ala.
Manipulyator xisap fotonıñ originalın montajlap bomba yanındağı taşlarnı betergän.
Räsemdäge bomba AQŞta çığarılğan häm anıñ belän 1960nçı yıllardağı Liviyä idaräçese patşa İdrisne “salqın suğış” säyäsäte qısalarında Vaşington täêmin itä.
Terrorçı oyışması yaqlılar “Solıx çişmäse” xäräkäte waqıtında tıyılğan häm ximik qorallar qullanu turındağı yalğannı monnan alda da äyläneşkä kertergä mataştı.
Şunnan soñ, milli saqlanu ministrı Xulusi Akar terrorçılarnıñ ximik qoral qullanıp, Törkiyäne ğayepläp qaldırırğa mataşuları xaqında mäğ’lümat aluların belderde häm: “Törkiyä qorallı köçläreneñ inventarenda ximik qoral yuq” dip assızıqladı.
