Zur Ciñüneñ bäyräm tantanaları
Törkiyä 30nçı avgustta Ciñü könen bilgeläp ütä
Törkiyädä 30nçı avgust Ciñü bäyrämeneñ 97 yıllığı küptörle çaralar belän bilgeläp ütelä. Başqala Änkaradağı qotlawlarnıñ berençe adresı, härwaqıttağıça, Anıtqaber ide. İlbaşı Räcäp Tayyip Ärdoğan däwlät êşlekleläre belän bergä böyek yulbaşçı Atatörkneñ qaberenä bardı.
Ärdoğan Anıtqaberneñ maxsus däftären imzaladı. Ul bäyräm yazmasında bötenlekkä basım yasadı. “Milli bötenlegebezgä yanawçılarğa ilneñ êçendä häm tışında alıp barıluçı köräş bu qararlığıbıznıñ dälile,”-dide ul.
Ärdoğan üzeneñ möräcäğaten bolay däwam itte. “Ğaziz Atatörk, bügen Böyek Ciñüneñ 97 yıllığın bilgeläp ütüebez belän ğorurlanabız. Bez tarixıbızğa altın xäreflär belän yazılğan Zur Ciñüne yawlawğa öleş kertkän barlıq komandirlar, ofiśerlar, ğaskärlärebezne häm xalqıbıznıñ här wäkilen räxmät belän iskä alabız. Ğaziz şähitlärebezneñ fidaqarlıqları östendä kütärelgän häm bezgä amänätegez bulğan cömhüriyätne ğomerebezne qızğanmıyça saqlayaçaqbız. Ruxıñ tınıç bulsın”.
Däwlät tantanalarınnan soñ Anıtqaber xalıqnıñ zıyaräte öçen açıldı.
