“İslam dönyasında aşığıç räweştä çişelüe zarur bik küp problema bar”

Törkiyä tışqı êşlär ministrı Mävlüt Çavuşoğlu İslam dönyasında aşığıç räweştä çişelüe zarur bik küp problema buluın citkerde.

Ul bu xaqta Mäkkädä İslam xezmättäşlek  oyışmasınıñ 14 nçe cıyılışında yasağan çığışında belderde.

Çavuşoğlu:” İslam dönyasında tınıçlıq, iminlek, totrıqlılıq mäs’älälärendä zur problemalar bar. Süriyä häm Liviyadan Yämän, Farsı qultığı töbäge häm ar’yağına qadar bik küp problema çişeleş kötä”,-dide.

Törkiyä tışqı êşlär ministrı Süriyäneñ cir bötenlegen saqlap qalu yaqlı buluların belderep ,Süriyä xalqınıñ qayğı-xäsräten kimetü öçen zur tırışlıq quyuların assızıqladı.  

Çavuşoğlu Berläşkän Millätlär Oyışmasınıñ Liviya häm Yämändäge bäreleşlärgä çişeleş tabu tırışlıqların yaqlawların belderep bu illärneñ säyäsi bäysezlege häm cir bötenlegenä bäyle bulularına da basım yasadı.

Azärbaycan cirläreneñ 20%ınıñ basıp alınğan buluın xäterlätkän Çavuşoğlu :”Tawlı Qarabax probleması Azärbaycannıñ cir bötenlege ,xalıqara xoquq häm Berläşkän Millätlär Oyışmasınıñ bäyläneşle qararları qısasında çişelergä tiyeş”,-dide.

Törkiyä tışqı êşlär ministrı Kipr mäs’äläse häm möselman azçılıqlarnıñ wäzğiyätenä dä tuqtalıp tübändägelärne citkerde:“İslam xezmättäşlek oyışmasında Kipr törek däwläte  iseme astında küzätüçe äğ’za bularaq wäkillek itelgän Tön’yaq Kipr Törek Cömhüriyäte bügenge köndä êmbargo häm izolyaśiya astında. Oyışmanıñ kiprle töreklär belän tayanışu, yärdämläşüen yuğarı bäyälibez. Könbatışta, Aziya illärendä häm dönyanıñ qayber töbäklärendä möselman azçılıqlarnıñ dini xoquqları ,ireklärenä höcüm itälär. Bu azçılıqlarnıñ wäzğiyätenä iğ’tibarlı bulu zarur”.