Terror belän köräştä şähitlär
Süriyäneñ Afrin töbägennän häm Törkiyäneñ Ağrı vilayätennän şähit xäbäre
Törek qorallı köçläreneñ Süriyäneñ Afrin töbägendä ütkärelüçe “Zäytün botağı” xäräkäte qısalarında ber ğaskäri şähit buldı, ber ğaskäri dä yaralandı.
Törek qorallı köçlärennän yasalğan belderüdä: ““Zäytün botağı” xäräkäte qısalarında 12nçe mart könne Cindäräs cirlegendä başqarılğan êzläw-küzätü êşçänlege waqıtında quldan yasalğan şartlatqıçnıñ şartlawı näticäsendä ber qaharman qoral iptäşebez şähit buldı, ber qaharman qoral iptäşebez yaralandı”, - dip äytelde.
Ağrınıñ Doğubayazıt ilçäsendä isä terrorçılar belän kilep çıqqan bäreleştä ber serjant-mayor şähit buldı.
İminlek köçläre ilçägä bäyle Ağrı tawı itäklärendäge Güngörän awılı qırlarında terrorçılar belän bäreleşkä kerde.
Kilep çıqqan bäreleşlärdä, berençe mäğlümatkä kürä, 1 serjant-mayor awır yaralandı.
Yaralanğan serjant-mayor töbäkkä kilgän aşığıç yärdäm maşinası belän Doğubayazıt dośent doktor Yaşar Äryılmaz däwlät xastaxanäsenä salınıp kürsätelgän mediśina yärdämenä qaramastan isän qala almadı.
