Dawıtoğlu-Stoltenberg söyläşüe

Törkiyä premyer-ministrı Äxmät Dawıtoğlu Rusiyäneñ Süriyädä hawadan höcümnären arttıruı arqasında soñğı aylarda qaçaqlarnıñ artuın äytkän.

Dawıtoğlu NATO ğomüm särqätibe Jens Stoltenberg belän Brüsseldağı NATO üzäk ştabında küreşep söyläşkän.

Söyläşüdä qaçaqlar krizisı üz ezen qaldırğan.

Oyıştırılğan matbuğat oçraşuında Dawıtoğlu Rusiyäneñ Süriyädäge operatsiyaläreneñ xäzergä qadär “DAEŞ” terror oyışmasın tügel, ä tınıç xalıqnı maqsat itep aluın, monıñ da qaçaq sanın arttıruın açıqlağan.

“DAEŞ”, PKK häm YPG terror oyışmalarınıñ Törkiyäneñ milli iminlegenä yanawın beldergän premyer-ministr: “Törkiyä 2,7 million qaçaqnı qabul itte. Törkiyä häm Xaleb arasındağı yulnıñ yabıluı arqasında yöz meñnärçä qaçaq çik buyında kötä. Yaña qaçaq krizisınıñ barlıqqa kiläçäge mäs'äläsendä borçu toyabız,” – digän.

NATO ğomüm särqätibe Jens Stoltenberg ta Dawıtoğlunıñ açıqlawların xuplağan häm NATO köymäläreneñ Ägäydäge wazifasına tuqtalğan: “Köymälärebez mäğlümat cıya häm küzätü wazifasın başqara. Atna azağında qabul itelgän qarar näticäsendä bu tırışlıqlarıbıznı arttıraçaqbız”.

Rusiyäneñ Süriyädäge barlığının krizisnı tiränäytüenä dä işarät itkän Stoltenberg Süriyädäge suğışta Törkiyäneñ alğı frontta urın aluın belderep, NATOnıñ Törkiyä belän yärdämläşü eçendä buluın äytkän.