Dawıtoğlu häm Cihangiri urtaq matbuğat oçraşuı ütkärde
Dawıtoğlu:"Qayber mäs'älälärdä fikerlärebez ayırmalı, üzgä bulsa da ,tarixnı häm üzebez yäşägän geografik urınnı üzgärtä almıybız. Bez kürşe, çiktäş illär"
Törkiyä premyer - ministrı Äxmät Dawıtoğlu İran säfare qısasında ilbaşınıñ berence urınbasarı İshaq Cihangiri belän urtaq matbuğat oçraşuı ütkärde.
Dawıtoğlu üz çığışında İran belän mönäsäbätlärdä ayırmalı qaraşlar bulsa da töbäktäge bäreleşlärne tuqtatu öçen urtaq perspektiva buldırunıñ zur ähämiyätkä iyä buluın assızıqladı.
Dawıtoğlu süzen bolay dip däwam itterde:”İran belän ike yaqlı mönäsäbätlärdäge potentsialnı küz uñında totqanda töbäktä xäzerge waqıttağı totrıqsızlıq ,terror yanawın totqarlaw öçen urtaq noqtada berläşü tağın da ciñel bulır. Qayber mäs'älälärdä fikerlärebez ayırmalı, üzgä bulsa da ,tarixnı häm üzebez yäşägän geografik urınnı üzgärtä almıybız. Bez kürşe, çiktäş illär. Söyläşülärdä yaña däwerne şäkelländerü xaqında möhim adımnar yasaldı”.