İzrailneñ Törkiyädäge säwdä attaşelege qabat açıla

İzrail iq’tisad häm sänäğät ministrlığınnan yasalğan yazmaça belderügä kürä, Barbibai ministrlıqnıñ Törkiyädäge säwdä attaşelegen 1nçe avgustta yañadan açaçaqların belderde.

Orna Barbibai: "Säwdä attaşelege İzrailneñ Törkiyä belän iq’tisadi êlemtälärne arttıru täwäkkällegen çağıldıra”, - dip bäyäläw yasadı.

İzrail ministrı: "Un yıldan artıq waqıt uzğannan soñ ike il arasında urtaq iq’tisad konferenśiyasın da yaqın waqıtta tormışqa aşırunı maqsat itülären” bilgeläp uzdı.

İq’tisad häm sänäğät ministrlığı belderüendä Tışqı säwdä idaräse başlığı Ohad Kohenneñ:

"Törkiyä - İzrailneñ tışqı säwdäse öçen möhim iq’tisad. Bügen Törkiyägä zur külämle êksport bar häm monıñ kiñäyü potenśialı bar. İke il arasında irekle säwdä kileşüläre bar. Xezmättäşlekneñ tabiğatendä bulğan şuşı potenśial ike il öçen dä faydalı”, - digän süzläre dä citkerelä.

Ministrlıq belderüendä ayıruça İstanbuldağı säwdä attaşelegeneñ yañadan êşçänlekkä başlawnıñ xäzerge waqıtta Törkiyä bazarına êksport yasawçı yaqınça 1 meñ 540 İzrail şirkätenä täêsir itäçägenä häm säwdä êşçänlegen köçäytäçägenä yärdäm itäçägenä iğ’tibar yünältelde.

Belderüdä Törkiyäneñ İzrailneñ dürtençe iñ möhim säwdä urtağı buluına basım yasala.

İzrail häm Törkiyä 1997nçe yılda irekle säwdä kileşüenä qul quyğan ide.