“Bayraktar TB2” Litvağa tapşırıldı

Siauliai hawa bazasında oyıştırılğan “Bayraktar TB2”ne tapşıru tantanasında Litva saqlanu ministrı Arvydas Anusauskas, Ukrainanıñ Vil’nus ilçese Petro Besta häm “Baykar” Ğomum mödire Haluk Bayraktar qatnaştı.

Haluk Bayraktar kampaniyanı oyıştırğan “Laisves TV”gä birgän äñgämäsendä:

"Yöz meñnärçä litvalı üzixtıyarıy qatnaşqan şuşı kampaniyadan bik täêsirländek. Şirkät bularaq närsäder êşlärgä telädek. “Bayraktar TB2”ne buşlay birep, litvalılarnıñ teläktäşlegenä öleş kertergä telädek”, - dip äytte.

“Bayraktar”nıñ üzen şaqtıy platformada isbatlağan yuğarı texnologiyağa iyä buluın añlatuçı Haluk Bayraktar keşesez hawa apparatınıñ Ukrainada tınıçlıq urnaştıruı häm ilneñ suverenlığın saqlaw öçen fayda kiterüen ömetlänüen belderde.

Tulı wäqalätle ilçe Besta da: "Min bu zur qoşnı kürgän çaqta räxmät häm soqlanu xislären kiçeräm”, - diyıp monıñ xökümätlär yäki zur şirkätlär tarafınnan tügel, ğadi xalıq yärdämendä ireşelgän buluın “möğciza” bularaq bäyäläde.

Litvanıñ Siauliai bazasında Ukrainağa kitüen kötkän, Törkiyäneñ berençe milli häm original’ keşesez qorallı hawa apparatı “Bayraktar TB2”neñ östendä "Bayraktarnıñ büläge” dip yazılğan.

Litva xalqı Ukraina öçen “Bayraktar TB2” satıp alu maqsatı belän kampaniya oyıştırğan, 3 kön êçendä 6 million yevro cıyılğan ide.

“Baykar texnologiya” da şuñnan soñ “Bayraktar TB2”ne Litvağa buşlay täêmin itäçäklären beldergän ide.