Ärdoğan-Bayden telefon söyläşüe

İlbaşı idaräseneñ êlemtä räislegennän yasalğan belderügä kürä, söyläşü waqıtında Törkiyä belän Amerika Quşma Ştatları mönäsäbätlärenä qağılışlı temalar häm regional’ mäs’älälär quzğatıldı.

İlbaşı Ärdoğan häm Amerika Quşma Ştatları İlbaşı Bayden söyläşü waqıtında ayıruça İspaniya başqalası Madridta oyıştırılaçaq NATO Däwlät häm xökümät başlıqları cıyılışı aldınnan sammit kön tärtiben bäyäläde.

İlbaşı Ärdoğan Madridqa kitär aldınnan hawa mäydanında yasağan belderüendä dä bügen irtä belän AQŞ İlbaşı belän telefonnan söyläşüen, Baydennıñ bügen kiç belän yäki irtägä qabat oçraşu telägen citkerüen, üzeneñ dä "bula ala" dip cawap birüen äytkän ide.

Aq Yorttan yasalğan belderüdä dä Djo Baydennıñ NATO sammitında da İlbaşı Ärdoğan belän küreşep söyläşäçäge äytelde.