"Bezgä beräwneñ dä cire kiräk tügel, naçar niyätle keşelärgä birer öçen dä ber qarış cirebez yuq"

İlbaşı bu xaqta Baqıda yasağan çığışında citkerde

1834073
"Bezgä beräwneñ dä cire kiräk tügel, naçar niyätle keşelärgä birer öçen dä ber qarış cirebez yuq"

Bügen Azärbaycan ilbaşı İlham Aliyevneñ çaqıruı buyınça bu ilgä barğan Törkiyä ilbaşı Räcäp Tayyip Ärdoğan berençe tapqır Törkiyädän çittä Azärbaycan başqalası Baqıda uzğan “Aviaśiya, ğaläm häm texnologiya festivale TEKNOFEST Azärbaycan”nıñ saylap alınğan küzätüçelär könendä qatnaşıp çığış yasadı.

Ul Azärbaycannıñ Bäysezlek könendä bu ildä buluına bik şat buluın belderep, urtaq tarixtan ilham alıp ike il arasındağı duslıq häm berdämlekne tağın da nığıtuların äytte.

 “Anadolu kebek bolar da bezneñ cirlärebez. Törkiyäneñ här cire – sezneñ dä Watanığız” dip äytüçe Ärdoğan ike yaqlı mönäsäbätlärne töbäkkä genä tügel, ä böten döny’ağa ürnäk bulırlıq däräcägä kütärülären assızıqladı.

Törkiyä ilbaşı küp tapqırlar ğadelsezlek häm qanunsızlıq belän oçraşuğa qaramastan diplomatiyädä, iq’tisad häm mädäniyättä dastan yazğan Azärbaycan belän ğorulanularına da basım yasadı.

“Bez basım, yanawlar belän qurqıtılğan keşelar bulmadıq häm bulmayaçaqbız. Bez basıp aluğa  häm ğadelsezlekä qarşı här moxittä döresen söyläwdän çitkä taypılmadıq. Bezgä beräwneñ dä cire , möstäqil’lege kiräk tügel, läkin yawız, naçar niyätle keşelärgä  birer öçen dä ber qarış cirebez  yuq, bulmayaçaq” dide ilbaşı.

Ärdoğan regional’ tınıçlıq häm totrıqlılıq öçen Aliyevneñ Ärmänstan belän urnaştırırğa telägän daimi solıxnı Törkiyäneñ yaqlawın da belderde.



Bäyläneşle xäbärlär