Çavuşoğlu-Maliki söyläşüe uzdı

Törkiyä tışqı êşlär ministrı fälästinle xezmättäşe belän söyläşü ütkärde

1831799
Çavuşoğlu-Maliki söyläşüe uzdı

Törkiyä tışqı êşlär ministrı Mäwlüt Çavuşoğlu Törkiyäneñ bäysez häm möstäqıyl’ däwlätkä iyä bulu köräşendä fälästinle qardäşlär yanında bulırğa däwam itäçägen belderde.

Çavuşoğlu Fälästingä yasağan säfäre qısalarında xezmättäşe Riyad êl-Maliki belän ike yaqlı mönäsäbätlärneñ üsterelüe öçen yasalaçaq adımnarnı söyläşte.

Törek ministrı yawlaw astındağı Yordannıñ Könbatış üzänlegeneñ Ramallah şähärendäge Fälästin tışqı êşlär ministrlığı binasında Maliki belän üzara, annarı wäkilleklärara söyläşü ütkärde.

Oyıştırılğan matbuğat oçraşuında Çavuşoğlu söyläşülärdä Fälästin däwlät oyışmalarınıñ häm iqtisadınıñ nığıtıluı öçen närsälär başqara alacağın qarawların häm 10 kileşügä qul quyuların citkerde.

Törkiyäneñ Fälästin däğwasına kürsätkän ähämiyätne härkemneñ belüen assızıqlağan Mäwlüt Çavuşoğlu: “Bäysez häm möstäqıyl’ däwlätkä ireşü köräşendä fälästinle qardäşlärebez yanında bulaçaqbız. İke däwlätle çişeleş vizionınnan berkem dä çitläşergä tiyeş tügel. Fälästin probleması bu räweşle çişelä alınaçaq. Bu mäs’älädä Törkiyä bularaq qulıbızdan kilgänne başqarırğa däwam itäçäkbez,” – dide.



Bäyläneşle xäbärlär