Çavuşoğlu Fälästindä

Ministr Çavuşoğlu utırğan oçqıç İzrail başqalası Tel’-Avivtäge Ben Gurion hawa mäydanına töşte. Çavuşoğlu biredä İzrail räsmiläre tarafınnan qarşı alındı.

Fälästin säfäre qısalarında Tel’-Avivtän Ramallah şähärenä uzğan Mäwlüt Çavuşoğlunıñ berence tuqtalışı Fälästin Tışqı êşlär ministrlığı buldı.

Biredä Tışqı êşlär ministrı Riyad äl-Maliki tarafınnan qarşı alınğan Çavuşoğlu Törkiyä-Fälästin urtaq komitetınıñ ikençe cıyılışında qatnaşaçaq.

Maliki belän ike yaqlı söyläşü dä ütkäräçäk Çavuşoğlu annan soñ Törkiyä universitetların tämamlağan fälästinlelär belan oçraşaçaq.

Tışqı êşlär ministrı Çavuşoğlunıñ Fälästin İlbaşı Mäxmüd Abbas tarafınnan da qabul itelüe kötelä.

Çavuşoğlu çärşämbe könne dä, İzrailgä qaytıp, wazıyfadaşı Yair Lapid belän ike yaqlı häm wäkilleklärara söyläşülär ütkäräçäk.

Söyläşülär waqıtında ike yaqlı mönäsäbätlär belän bergä regional’ häm global’ mäs’älälärdä fiker alışu planlaştırıla.