Törkiyä belän Paqıstan arasında xärbi xezmättäşlek

Törkiyä milli saqlanu ministrı Xulusi Akar Paqıstan xökümäte räise Şaxbaz Şärif belän söyläşte. Alar kiçä Karaçi portında Paqıstan MİLGEM proyektınıñ öçençe korabı Badrnı diñgezgä töşerü tantanasında qatnaştı. Soñınnan oçraşu uzdırdılar.

Söyläşüdä regional’ saqlanu häm iminlek mäs’äläläre xaqında süz bardı. Şulay uq, saqlanu sänäğatendä xezmättäşlek mömkinlekläre dä qaraldı.

Ministr Akar Törkiyä belän Paqıstan arasındağı tirän bäyläneşlärgä, ike il xalqınıñ qayğıda, şatlıqta bergä buluına basım yasadı. Ul Törkiyäneñ Käşmir mäs’äläsendäge teläktäşlegeneñ ilbaşı Räcäp Tayyip Ärdoğan tarafınnan härdaim telgä alınuın citkerde.

Xulusi Akar fikerençä, Törkiyä belän Paqıstan arasında xärbi xezmättäşlekne arttıru ähämiyätle.