Törkiyä İlbaşı Ärdoğan Niderland Baş ministrı belän söyläşte
İlbaşı Räcäp Tayyip Ärdoğan Niderland Baş ministrı Mark Rutte belän telefonnan söyläşte
İlbaşı idaräse çığanaqlarınnan alınğan mäğ’lümatkä kürä, söyläşü waqıtında Şveśiya häm Finlyandiyanıñ NATOğa äğ’zalek möräcäğäte belän bergä regional’ täräqqıyätlär quzğatıldı.
İlbaşı Ärdoğan söyläşüdä Şveśiya häm Finlyandiyanıñ NATOğa äğ’zalek möräcäğätläre mäs’äläsendä Törkiyäneñ legitim’ borçıluları häm xaqlı kötkännäre buluın belderde.
Bu illärneñ “PKK/YPG” separatist terror oyışmaları belän bäyläneşle şäxeslär häm güya oyışmalar belän êlemtälärenä häm Awrupa Berlegeneñ terror oyışmaları isemlegenä dä kertelgän qorılışlarğa yärdäm kürsätüenä iğ’tibarnı yünältüçe Ärdoğan monıñ ittifaq teläktäşlegenä häm ike yaqlı mönäsäbätlär ruxına tiskäre buluına basım yasadı.
Ärdoğan Finlyandiya häm Şveśiya da äğ’za bulğan oçraqta teläktäşlek ruxına yaraşlı räweştä şuşı terror oyışmaları belän böten mönäsäbätlären özüen kötüeneñ Törkiyäneñ iñ tabiğıy xaq-xoquqı buluın belderde.
Bäyläneşle xäbärlär
Şol’ś: “Törkiyä härwaqıt möhim strategik urtaq”
Germaniyä Kanślerı Olaf Şol’ś Törkiyäneñ härwaqıt möhim strategik urtaq buluın äytte