Ukrainalılar Törkiyädän yärdäm soradı

Germaniyada yäşäwçe ukrainalılar illärendäge tınıç xalıqnıñ êvakuaŝiyase öçen Törkiyädän yärdäm soradı.

Törkiyäneñ Berlindağı ilçelege aldında cıyılğan 200dän artıq ukrainalı törek telendä “Törkiyä Mariupol’ne qotqar!” şiğaren äytep, Rusiyä qamawı astında bulğan bu şähärdän çığa almıyça qalğan xärbi häm ğayepsez keşelär öçen Törkiyä ilbaşı Räcäp Tayyip Ärdoğannan yärdäm taläp itte.

Çarada qatnaşuçılardan Yeva Yakubovska Mariupol’ şähärendä qalğan xärbilär häm tınıç xalıqnı diñgez aşa êvakuaŝiyaläwneñ iñ yaxşı variant buluın äytep: “Törkiyä köçle il häm iminlekne täêmin itep, êvakuaŝiyane başqarıp çığa alır,” – dide.