Altun: “Lider diplomatiyası näticäsendä Törkiyä könnän-kön köçäyä bara”
İlbaşı idaräseneň êlemtä başlığı Fahrättin Altun İlbaşı Räcäp Tayyip Ärdoğan alıp barğan lider diplomatiyası näticäsendä Törkiyäneň häm oyışmalarınıň könnän-kön köçäyä baruın belderde
Fahrättin Altun Törkiyä belän Aljir arasında imzalanğan kileşülärne bäyäläde.
Altun sośial’ media akkauntınnan urtaqlaşqan yazmasında başqala Änkarada İlbaşı Ärdoğan häm Aljir Däwlät başlığı Abdulmäcid Täbbun qatnaşında Törkiyä-Aljir arasındağı mönäsäbätlärne köçäytäçäk taw sänäğäte, moxitnı saqlaw, mäğarif, mädäniyät häm saqlanu sänäğäte ölkälärendä küp sanda kileşügä qul quyıluın citkerde.
Bu kileşülärdän berseneň dä media häm kommunikaśiya ölkäsenä qağıluın belderep, kileşülärneň ike il öçen dä xäyerle buluın teläwçe Altun:
"Böten dönya krizislar belän buışqan çaqta ilebez imza salğan şuşı kileşülär İlbaşıbıznıň uňışlı liderlığınıň näticäse. Däwlät başlığıbız alıp barğan lider diplomatiyası, keşelärgä yünältelgän prinśipial’ tışqı säyäsäte, il liderları belän ike yaqlı mönäsäbätlärendä birgän ışanıç näticäsendä imzalanğan şuşı kileşülär belän häm ilebez häm dä oyışmalarıbız könnän-kön köçäyä bara häm bu da millätebezgä östämä qıymmät bularaq bularaq kire qayta,” – dip belderde.
