Törkiyädä yaña üsemlek töre

Rizädä Räcäp Tayyip Ärdoğan universitetı belän Trabzonda Qara diñgez texnik universitetınnan 3 ğalim alıp barğan êşçänlek näticäsendä Çıldır küle tirä-yağında tabılğan üsemlek töre "Vincetoxicum anatolicum" iseme belän êndemik töre bularaq belem dönyasına tanıtıldı.

Räcäp Tayyip Ärdoğan universitetınıñ fän-ädabiyat fakul’tetı biologiya bülege professorı doktor Särdar Makbul häm doktor uqıtuçı-ğalim Sähär Güvän belän Qara diñgez texnik universitetınıñ fän fakul’tetı biologiya bülege uqıtuçısı professor doktor Kamil Coşkunçäläbi başqarğan êşçänlek qısalarında Karstağı Çıldır küle tirä-yağında oçratqan törle üsemlek törlärennän ürnäklär cıydı.

Ürnäklär östendä 7 yıl däwam itkän täfsille tikşerenülär näticäsendä uqıtuçı-ğalimnär törneñ belem dönyası öçen yaña tör buluı fikerenä kilde.

"Vincetoxicum anatolicum" iseme birelgän üsemlek belän bäyle bularaq 2020nçe yılda äzerlängän mäqalä 2021nçe yılnıñ dekabr’ ayında xalıqara reśenziyalı "Nordic Journal of Botany" jurnalında basıldı häm üsemlek belem dönyasına yaña êndemik töre bularaq tanıtıldı.