Êstoniya tışqı êşlär ministrı Törkiyä belän mönäsäbätlärne bäyäläde

Êstoniya tışqı êşlär ministrı Eva-Maria Liimets Törkiyä belän Êstoniyanıñ NATOda bik yaxşı ike berlektäş buluın äytte

1766397
Êstoniya tışqı êşlär ministrı Törkiyä belän mönäsäbätlärne bäyäläde

Räsmi säfär belän Törkiyägä kilgän Liimets matbuğatqa yasağan belderüendä oçraşuları waqıtında bigräk tä ike yaqlı mönäsäbätlär, iq’tisad häm iminlek mäs’älälären quzğatuların äytte.

Liimets, ike il arasında bıyıl tağın da kübräk parlamentlarara bäyläneşneñ bulaçağın häm êşlekle wäkilleklärneñ ike yaqlı oçraşular ütkäräçägen belderep, Törkiyä häm Êstoniya arasında säwdä, sanlı (śifrlı) häm saqlanu xezmättäşlegeneñ üseş alaçağın äytte.

Eva-Maria Liimets ike ilneñ iminlek ölkäsendäge xezmättäşlege häm NATO urtaqlığı belän bäyle bularaq isä: "Êstoniya häm Törkiyä NATOda bik yaxşı ike berlektäş. Törkiyäne iminlek borçılularıbıznı bik yaxşı añlağan, säläte yuğarı, yaxşı berlektäş bularaq küräbez”, - dip bäyäläw yasadı.

Ukraina çiklärendäge Rusiyä xärbi köçläreneñ artuı mäs’äläsendä bik borçılularına basım yasawçı Liimets: “Xäzerge wazğıyätne tınıçlandıruğa yärdäm itü öçen xezmättäşlek urnaştırırğa tiyeşbez. Çönki bu barı tik Ukraina öçen genä tügel, böten Awrupa öçen çınnan da iminlek riskı. Çönki Awrupada yaña suğış hiç qabul itelmäs”, - dip äytte.

Törkiyäneñ geografik torışınıñ migraśiya krizisınıñ yul çatında urnaşuın iskärtep uzuçı Liimets: "Cirlärendä millionnarça qaçaqnı qabul itkän Törkiyäneñ mäs’älägä totışın çınnan da täq’dir itäbez”, - dip äytte.

Êstoniyanıñ härwaqıt Awrupa Berlegeneñ kiñäyüen yaqlawın belderüçe Eva-Maria Liimets Törkiyäneñ namzät il bularaq reformalar belän Awrupa Berlegenä äğ’za bulu yulınnan baruın däwam itäçägenä ışanuların citkerde.

Liimets oçraşuları qısalarında Adanada Sarıçam waqıtlı toraq üzägendä urnaşqan süriyälelär belän küreşep söyläşte.

Liimets toraq üzägendä ütkärelgän êşçänlek öçen räsmilärgä räxmätlären belderde.



Bäyläneşle xäbärlär