Serbiya liderı Törkiyägä kilä

Serbiya däwlät başlığı Aleksandr Vuçiç ilbaşı Räcäp Tayyip Ärdoğannıñ çaqıruına cawap itep bügen Törkiyägä kilä.

Räsmi mäğ’lümatlarğa qarağanda, Ärdoğan häm qunaq lider başqala Änkarada Törkiyä-Serbiya yuğarı däräcäle şurasınıñ 3nçe utırışında räislek başqaraçaq.

İlbaşınıñ cämäğat’çelek belän êlemtä idaräseneñ säfär belän bäyle belderüendä bolay diyelä: “Şura cıyılışında Törkiyä belän Serbiya arasındağı mönäsäbätlär barlıq yaqları belän küzdän kiçereläçäk, xezmättäşlekne arttırırday adımnar qaralaçaq. Balkannarda tınıçlıq häm totrıqlılıqnı saqlawnı da kertep, regional’ häm xalıqara waqıyğalar xaqında fiker alışu bulaçaq”.