Ärdoğan Qara diñgezdäge tabiğıy gaz êşçänlege turında

Albaniya säfärennän soñ jurnalistlarnıñ sorawlarına cawap birüçe İlbaşı Ärdoğan Qara diñgezdäge tabiğıy gaz êşçänlege belän bäyle bularaq: "Ütkärgeç saluda qullanılaçaq torbalar kilä başladı. Härber torba yaqınça 12 metr ozınlığında. Ütkärgeçne diñgez töbenä salu êşläre yaqınça 5 ay däwam itäçäk. 2022nçe yılda böten skvajinalarda alciteşterüne tämamlaw operaśiyäläre başqarılaçaq. İnşallah, bez bu êşne 2023nçe yılğa xätle ölgerterbez”, - dip belderde.

"Tağın yaña ber söyeneç kilerme?” digän sorawğa isä Ärdoğan: "Kötäbez. İnşallah, böten xıyalıbız, ministrlıq başqarğan êşçänlek, iptäşlärebez äzerlägän mäğ’lümatlär, bigräk tä seysmik tikşerenü köymälärebez bezgä birgän xisaplar, barısı da şuşı yünäleştä. Nigezdä bu êşne uñışlı räweştä tögällägän çaqta, “iq’tisadi kürsätkeçlärebez nindi” dip sorawçılarğa, inşallah, bez annan kiräkle cawapnı birü mömkinlegenä ireşerbez”, - dip cawap birde.