Törkiyä häm Ärmänstan wäkilläre Mäskäwdä oçraştı

Törkiyä häm Ärmänstan söyläşülärne tulısınça cayğa salu maqsatı belän alşartsız alıp baraçaq

1762887
Törkiyä häm Ärmänstan wäkilläre Mäskäwdä oçraştı

Törkiyäneñ Ärmänstan maxsus wäkile, tulı wäqalätle ilçe Särdar Qılıç belän Ärmänstannıñ maxsus wäkile Rubin Rubinyan ike il arasındağı mönäsäbätlärneñ cayğa salınuı mäs’äläsen söyläşü öçen Rusiyä başqalası Mäskäwdä oçraştı.

Berençe cıyılıştan soñ yazma belderü yasawçı Törkiyä tışqı êşlär ministrlığı maxsus wäkillärneñ uñay häm konstruktiv atmosferada uzdırğan berençe söyläşülärendä Törkiyä häm Ärmänstan arasında dialog yulı belän alıp barılaçaq normalläşü barışına qağılışlı berençel fiker belän almaşuların belderde.

Belderüdä: "Taraflar söyläşülärne tulısınça cayğa salınu maqsatı belän alşartsız alıp baru mäs’äläsendä kileşte. Maxsus wäkillär arasındağı ikençe söyläşüneñ urını häm waqıtı diplomatik kanallardan soñraq bilgelänäçäk”, - dip äytelde.

Diplomatik çığanaqlar Mäskäwdäge ike yaqlı söyläşüneñ ber säğät yarım däwam itüen belderde.

Tışqı êşlär ministrı Mäwlüt Çavuşoğlu 13nçe dekabr’dä Törkiyä Böyek Millät Mäclesendä yasağan çığışında Törkiyä-Ärmänstan mönäsäbätlärendä yaña çornıñ başlanuı işarätlären citkergän ide.

Tulı wäqalätle ilçe Särdar Qılıç 15nçe dekabr’dä Ärmänstan Cömhüriyäte qarşında Törkiyä Cömhüriyäte maxsus wäkile bularaq wazıyfalandırılğan ide.

Ärmänstan da Parlament başlığı urınbasarı Ruben Rubinyannı Törkiyä belän mönäsäbätlärne cayğa salu qısalarında maxsus wäkil bularaq bilgelägän ide.



Bäyläneşle xäbärlär