Törkiyä parlamentınıñ Qazaqstan beldergese

Törkiyä Böyek Millät Mäclese başlığı Mostafa Şäntop belän “Ğadälät häm qalqınu” partiyası, “Cömhüriyät xalıq” partiyası, “Millätçe xäräkät” partiyası häm “Äybät” partiyası tarafınnan Qazaqstanğa yaqlaw yullaması yasaldı.

Törkiyä Böyek Millät Mäclese Ğomum şurasında uqılğan urtaq beldergedä "qardäş Qazaqstanda soñğı könnärdä barlıqqa kilgän waqıyğalarnıñ borçılıp küzätelüe” iskärtelep uzıldı.

Qazaqstan totrıqlılığınıñ häm xozurınıñ Törkiyäneñ tınıçlığı häm xozurı qadär möhim buluına basım yasalğan belderüdä:

"Qazaqstan xalqınıñ töple fikere häm citäkçelekneñ nıq totışı näticäsendä waqıyğalarnıñ cayğa salına başlanuına häm ildäge wazğıyätneñ ğadäti xälgä qayta başlawına bez bik qanäğät. Waqıyğalarda wafat bulğan qazaq qardäşlärebezgä Allahtan yarlıqaw sorıybız, qayğı-xäsrätkä töşkän tuğannarınıñ qayğısın urtaqlaşabız, yaralanuçılarğa aşığıç şifalar telibez. Keşe ğomeren qurqınıç astına quyğan, däwlät tärtiben bozğan häm milekkä zarar birgän qırıslıq ğamällären gäyeplibez. Qazaqstan citäkçelegeneñ xalıqnıñ isänlegen häm mullığın tağın da arttıruğa qağılışlı reforma kön tärtiben yaqlıybız. Gazıy parlamentıbız “Fätullahçı” terror oyışmasınıñ 2016nçı yılnıñ 15nçe iyülendäge xain tüntäreleş omtılışı waqıtında Qazaqstan xakimiyäte kürsätkän teläktäşlekne onıtmayaçaq. Bäysezlegeneñ berençe könennän birle Qazaqstannıñ yanında bulğan Törkiyä monnan soñ da böten töbäk öçen ähämiyätle bulğan Qazaqstannıñ tınıçlığına häm totrıqlılığına härtörle yärdäm kürsätüen däwam itäçäk," – dip äytelde.