"Hello Türkiye" kampaniyası

Bu qısada äzerlängän tanıtu videoyazması êlemtä räislegeneñ sośial’ media akkauntlarınnan urtaqlaşıldı.

Videoyazmada Törkiyäneñ törle urınnarındağı çit il turistları üz äyteleşläre belän "Hello Türkiye" dip äytä.

Videoyazma global’ yoğıntı yasawçılarnıñ "#helloTürkiye" häştägläre belän sośial’ media yazmaları aşa şaqtıy ildä üzara bäyläneşkä kerä.

Kampaniya belän sośial’ media aşa çit il keşeläreneñ Törkiyä isemeneñ törle illärdäge qullanu şäkele urınına "Türkiye" ğıybaräsen qullanuın maqsat itä.

İlbaşı idaräseneñ êlemtä başlığı Fahrettin Altun mäs’älä belän bäyle bularaq yasağan bäyäläwendä dekabr’ ayında İlbaşı Räcäp Tayyip Ärdoğan imzası belän Törkiyä isemeneñ xalıqara dairälärdä barı tik "Türkiye" bularaq qullanıluı turında kürsätmäneñ çığarıluın xäterlätte.

Bu qararnıñ berdäm äytelüeneñ täêmin itelüe häm xalıqara arenada Törkiyä markasınıñ köçäytelüe maqsatı nigezendä yasalğan möhim adım buluın belderüçe Altun Törkiyäneñ här ölkädä bulğanı kebek teldä häm aralaşuda da üz minlegen häm üzañın köçäytüenä basım yasadı.

Törkiyä brendın köçäytü öçen Törkiyä brend ofisın oyıştıraçaqların citkerüçe Altun bu ofisnıñ Törkiyäneñ global’ brend tanıqlığı ölkäsendä êşçänlek başqaraçağın häm il imidjı belän brend qıymmäteneñ köçäytelüenä öleş kertäçägen belderde.

Altun bu mäs’älädä cämğıyätneñ barlıq qatlamnarınıñ sizgerlek häm yaqlaw kürsätüeneñ bik möhim buluına basım yasadı.