“Ukrainada qırım tatarlarınıñ cirle xalıq statusınıñ qabul itelüe möhim adım”

Törkiyä Böyek Millät Mäclese başlığı Mostafa Şäntop Ukraina-Törkiyä parlamentlarara duslıq törkeme räistäşe Röstäm Umerovnı häm yanındağı parlament wäkillegen başqala Änkarada qabul itte.

Şäntop qabul itü waqıtında yasağan çığışında, Törkiyäneñ Ukrainada yäşängän problemalarnıñ tınıç yullar belän çişeleşe öçen üz öleşen kertergä äzer buluın belderep: "Ukrainanıñ cir bötenlegenä häm säyäsi möstäqıyllegenä tulı yaqlawıbıznı tağın ber tapqır raslarğa telim”, - dip äytte.

Qırım belän bäyle bularaq: “Törkiyä Qırımnıñ qanunsız häm legal’ bulmağan annekśiyasın tanımadı häm tanımayaçaq”, - dip äytüçe Şäntop qırım tatarlarınıñ cirle xalıq statusınıñ qabul itelüeneñ dä möhim adım buluın iskärtep uzdı.

Ärmän tezisların xuplawçı yaña qanun ölgeläreneñ qabul itelmäwennän qanäğätlelegen citkerüçe Şäntop: "Mönäsäbätlärebezgä şuşındıy êşlär belän külägä töşerergä teläwçelärneñ azçılıqta buluın, Ukraina citäkçelegeneñ bu mäs’älädä baştan birle töple häm prinśipial’ qaraşın kürsätüen beläbez. Bolar aldında aqıllı fikerle totışnıñ däwam itüen telibez”, - dip bäyäläw yasadı.