"Qazaqstannıñ qısqa waqıtta totrıqlılıqqa qawışuın telibez"
Bu xaqta Törkiyäneñ tışqı êşlär ministrı Mäwlüt Çavuşoğlu belderde
Törkiyäneñ tışqı êşlär ministrı Mäwlüt Çavuşoğlu Qazaqstannıñ qısqa waqıtta totrıqlılıq, xozur häm tınıçlıqqa qawışuın teläwlären belderde.
Çavuşoğlu Antaliyada oyıştırılğan Ğadälät häm qalqınu partiyase cıyılışında qatnaştı.
Ministr Çavuşoğlu biredä yasağan çığışında Törkiyäneñ tışqı säyäsättä däğwasınıñ buluın, här cirdäge qawemdäş häm tuğandaş cämğıyät’lärneñ problemasın üz probleması kebek kürülären citkerep: “Törki dön’yanıñ kiläçäge bezneñ problemabız. Qazaqstandağı täraqqıyät’lär belän qızıqsınabız, yaqınnan küzätäbez. Xörmätle ilbaşıbız Törki däwlätlär oyışmasınıñ çirattağı räise bularaq Qazaqstan däwlät başlığı belän ber rättän äğza illärneñ ilbaşları belän küreşte. Min dä tışqı êşlär ministrları belän söyläştem, küzätüçe Vengriya belän dä. Sişämbe könne Tışqı êşlär ministrları cıyılışın oyıştırabız. Açıqlawlarıbıznı Törkiyä häm Törki däwlätlär oyışması bularaq yasadıq. Qazaqstanda totrıqlılıq, xozur häm tınıçlıqnıñ urnaşuı öçen Törkiyä bularaq, Törki däwlätlär oyışması bularaq härtörle xuplawnı kürsätäçäkbez. Törki dön’yanıñ probleması bezneñ dä problemabız. Monı bar dön’ya Qarabax ciñüendä kürde,” – dide.
Bäyläneşle xäbärlär
Ber atna êçendä 38 terrorçı täêsirsez xälgä kiterelde
Bu xaqta Törkiyä milli saqlanu ministrlığınıñ matbuğat cıyılışında citkerdelär