Törkiyä İzrailne ğayepläde

Tışqı êşlär ministrlığı Qudüs-Yerusalim şähär xaqimiyätenä bäyle Regional’ planlaştıru häm tözeleş komitetınıñ yawlaw astındağı Könçığış Qudüstä 3557 yaña bistäne üz êçenä aluçı 5 toraq planın raslawın ğayepläde.

Ministrlıktan yasalğan yazma açıqlawda yawlaw astındağı Fälästin cirlärendä İzrail tarafınnan tözelgän toraq punktlarınıñ Berläşkän Millätlär Oyışması qararları belän ber rättän xalıqara xoquqqa qarşı buluı xäterlätelde.

İzrail 1967dä yawlağan Yordannıñ Könbatış üzänlegendä 250dän artıq qanunsız yähüd bistäse bar. Biredä yäşäwçe 500 meñ tiräse yähüd yawlaw astında kön kürüçe fälästinlelärneñ tormışın tağın da qıyınlaştıra.