"Yaňa iq’tisadi model’ barlıqqa kiterep ilneň iq’tisadi bäysezlege öçen tırışabız"

Törkiyä ilbaşı Räcäp Tayyip Ärdoğan kiçä kiç şäxsi telekanal tapşrıuında qatnaşıp kön tärtibenä bäyä birde.

 Ul Törkiyägä genä xas yaňa iq’tisadi model’ barlıqqa kiterep ilneň iq’tisadi bäysezlege öçen êşläwlären äytte.

 Ärdoğan iq’tisadi häm finans totrıqlığın täêmin itü , sośial’ iminlekne arttıru, däwlät xezmätlären näticäle kürsätüneň xökümätlärneň burıçı buluın assızıqladı.

İlbaşı üz çığışında Törkiyäneň Kovid -19 êpidemiyäsenä qarşı vakśina yasıy alırlıq 9 ilneň berse buluına da basım yasadı.

 “Turkovak” vakśinası  tulısınça cirle mömkinleklär belän êşlände, anıň här êtabında üzebezneň ğalimnär häm tikşerenüçelär qatnaştı” ,- dide ilbaşı.

Ärdoğan äytüençä, Änkarada dön’yadağı iň zur vakśina tikşerenüläre, yasaw häm citeşterü üzäge bulacaq Gigiyena-sanitariya proyektı tormışqa aşırılaçaq. Proyektnıň tendr prośessı kiläse atnada tämamlanaçaq.

İlbaşı Törkiyäneň 8 nçe iyärçene Türksat 5B nıň ğalämgä cibärelüennän soň tulısınça cirle sistema injeneriyäse belän yasaw êşçänlekläre däwam itkän Türksat 6A iyärçeneneň 2023 nçe yılda SpaceX şirkäteneň Falcon 9 raketası belän ğalämgä oçırtılaçağın da äytte.

”Afrika belän mönäsäbätlär yağınnan Törkiyäne nindi kiläçäk kötä?” digän sorawğa Ärdoğan “Afrikanıň barlıq illärendä diyärlek ilçeleklär açarğa telibez. Afrika illäre bezgä “Äydägez bergäläp êşlik. Sez dä, bez dä otışlı bulıyq ” dip bezgä ışanalar” dide.