Çavuşoğlu: “Tışqı säyäsättä bezneñ östenlegebez diplomatiya”

Çavuşoğlu Xalıqara mönäsäbätlär şurası cämğıyäte tarafınnan onlayn oyıştırılğan Xalıqara iminlek akademiyasındağı yomğaqlaw utırışında qatnaşıp çığış yasadı.

Rusiyä belän Ukraina häm Rusiyä belän NATO arasındağı köndäşlekneñ qurqınıç däräcägä citüen iskärtep uzuçı Çavuşoğlu: "Rusiyä belän kiñ qırlı mönäsäbätlärebez bar diyep prinśiplarıbıznı häm Ukraina belän yaqın mönäsäbätlärebezne sanğa suqmawıbız mömkin tügel. Monıñ kebek küp sandağı awır tigezlämädä zaman ruxı häm milli iminlegebez zarur qılğannı yasıybız. Bu awır êş, läkin diplomatiya da monıñ öçen bar”, - dip äytte.

Tışqı säyäsätne milli qıymmätlär häm mänfäğätlär, mäydandağı çınbarlıqlar, mömkinleklär häm sälätlär nigezendä alıp barularına basım yasawçı Çavuşoğlu prinśipardan taşlama yasamıyça, diplomatiyanı çınlıqçı qaraş belän başqaruların belderde.

Milli iminlekneñ iñ möhim ışanıçlarınnan berseneñ Törkiyäneñ totqarlawçı köçe buluın citkerüçe Çavuşoğlu totqarlawçı köçkä iyä bulu öçen dä xärbi köç, xalıq sanı, iq’tisadi köç kebek faktorlar belän bergä täêsirle diplomatiyanıñ da zarurlığına iğ’tibarnı yünältte.

Kiñ geografiyada diplomatik iniśiativa östenlegenä nigezlängän çınlıqçı tışqı säyäsät alıp barularına basım yasawçı Çavuşoğlu: “Waqıyğalarnıñ bezne idarä itüenä röxsät birmiçä, reakśiyäle tügel, aktiv diplomatiya añlayışıbız bar," – dip äytte.

Diplomatiyağa härwaqıt östenlek birülären häm birergä däwam itäçäklären iskärtep uzuçı Çavuşoğlu Liviyadan häm Könçığış Urta diñgezdän Süriyägä qadär “iñ êlek diplomatiya” dip äytülärenä basım yasadı.

Çavuşoğlu: "Diplomatiya tığılıp qalğan çaqlarda da mäydanğa töştek. Bu täwäkkällek milli köç abaylawıbıznı häm totqarlaw sälätebezne möhim däräcädä arttırdı. Barı tik töbägebezdä genä tügel, böten dönyada”, - dip äytte.