Törkiyä parlamentı başlığı Şäntop Tön’yaq Makedoniyada

Törkiyä Böyek Millät Mäclese başlığı Mostafa Şäntop Tön’yaq Makedoniya, Serbiya häm Montenegro (Qarataw) säfärenä başladı

1750603
Törkiyä parlamentı başlığı Şäntop Tön’yaq Makedoniyada

Şäntop Balkandağı berençe tuqtalışı bulğan Tön’yaq Makedoniyada başqala Skop’yadağı bik küp tarixi urınnarnı qaradı.

Tön’yaq Makedoniya parlament başlığı Talat Cafäri belän küreşep söyläşkän Şäntop parlamentta xalıq ışanıçlılarına möräcäğät itte.

Yaña tör koronavirusqa (“Kovid-19”ğa) qarşı cirle vakśina “Turkovak”nıñ qamilläşterelüe barışında monnan arı soñğı êtapqa citelüenä basım yasawçı Şäntop: “Citeşterü êtabına kilep citelgän çaqta vakśinabıznı Tön’yaq Makedoniyadağı qardäşlärebez belän, duslarıbız belän urtaqlaşudan bez şat bulaçaqbız”, - dip äytte.

“Fätullahçı” terror oyışmasınıñ (“FETÖ”nıñ) Balkanda da êşçänlek alıp baruın häm monıñ beterelüenä qağılışlı anıq adımnar yasaluın kötülären iskärtep uzuçı Şäntop: ““FETÖ”nıñ barı tik Törkiyä öçen genä tügel, urnaşqan böten illär cähätennän yanaw, milli iminlek riskın täşkil itüe çınbarlığın dus illärneñ küz aldında totuın telibez”, - dip belderde.

Şäntop häm yanındağı parlament wäkillege Tön’yaq Makedoniya İlbaşı Stevo Pendarovski tarafınnan qabul iteläçäk.

Annan soñ Xalıqara Balkan universitetına baraçaq Şäntop Skop’ya Täfäyyüz başlangıç mäktäbendä dä uquçılar belän oçraşaçaq.

"21nçe dekabr’ törekçä öyrätü köne” qotlawlarında qatnaşaçaq Şäntop biredä dä çığış yasayaçaq.



Bäyläneşle xäbärlär