Ärdoğan: 2022nçe yıl byudjetı ilgä häm millätkä xäyerle bulsın

Törkiyä ilbaşı Räcäp Tayyip Ärdoğan xalıqqa möräcäğat’ belän çıqtı

1750325
Ärdoğan: 2022nçe yıl byudjetı ilgä häm millätkä xäyerle bulsın

Törkiyä ilbaşı Räcäp Tayyip Ärdoğan 2022nçe yıl byudjetınıñ ilgä häm millätkä xäyerle buluın teläde. Ul kiçä Ministrlar kabinetı utırışınnan soñ xalıqqa möräcäğat’ belän çıqtı.

Ärdoğan çığışında Törkiyä Böyek Millät Mäclese ğomum şurasında qaralğan häm uzğan comğada tögällänep qabul itelgän 2022nçe yılğı byudjet turında söyläde. İlbaşı äytkänçä, andağı 67 strategik programma Törkiyäneñ investiśiyä, mäşğul’lek, citeşterü, êksport yulı belän üseşenä öleş kertäçäk.

“Byudjetıbız innovaśion häm êkologik yaqları belän ayırılıp tora. Moña qadär bulğan şikelle, bez 2022nçe yıl byudjetın da bilgelängän kerem häm çığım tabliśaları qısasında ilebezneñ maqsatları häm millätebezneñ iminlegenä xezmät itärlek itep tormışqa aşıraçaqbız,”-dide Ärdoğan.

İlbaşı Törkiyäneñ soñğı 19 yılda urtaça 5,1% üseşkä ireşkän iq’tisadqa iyä buluın assızıqladı. Ul Törkiyäne demokratiyädä, üseştä, iminlektä, diplomatiyädä layıq bulğan noqtağa kiterülären häm iq’tisadta da şul uq uñışqa ireşergä qarar qıluların söyläde.



Bäyläneşle xäbärlär