İstanbulda İslam xezmättäşlek oyışması parlamentariyläre cıyıla

Törkiyä İslam xezmättäşlek oyışması äğ’zase illärneñ Parlament berlegeneñ 16nçı konferenśiyasın qabul itäçäk

1744700
İstanbulda İslam xezmättäşlek oyışması parlamentariyläre cıyıla

Konferenśiya Törkiyä Böyek Millät Mäclese başlığı Mostafa Şäntop räislegendä 9nçı-10nçı dekabr’dä İstanbulda uzaçaq.

Konferenśiya aldınnan irtägä Berlekneñ başqarma komitetınıñ 46nçı cıyılışı ütkäreläçäk.

Törkiyä çirattağı räis wazıyfasın Burkina Fasodan üz östenä alaçaq konferenśiyanıñ teması "Urtaqlaşu, vöcfan häm islam: Fälästin, migraśiya häm Äfğanstan" bulaçaq.

İslam xezmättäşlek oyışması illäreneñ Parlament berlege äğ’zase häm küzätüçe illär belän oyışmalarnıñ parlamentlarınnan 38gä yaqın wäkillek qatnaşaçaq konferenśiya Dolmabahçä sarayında oyıştırılaçaq.

Konferenśiyada Azärbaycan Parlament başlığı Sahibä Gafarova, İran İslami Kinäşmä Mäclese başlığı Mohammad Baghär Ghalibaf, Berläşkän Ğäräp Ämirlekläre Milli Şura başlığı Saqr Ghobaş, Misır Wäkillär palatası başlığı urınbasarı Ahmäd Saad äl-Din dä qatnaşaçaq.

Konferenśiyanıñ 10nçı dekabr’ comğa könne ütkäreläçäk açılış utırışında İlbaşı Räcäp Tayyip Ärdoğan häm Törkiyä Böyek Millät Mäclese başlığı Şäntop qatnaşaçaq häm açılış çığışın yasayaçaq.



Bäyläneşle xäbärlär