Ärdoğan Katarğa kitte

Törkiyä ilbaşı Räcäp Tayyip Ärdoğan bügen räsmi säfär belän Katarğa yul tottı. Kitär aldınnan ul İstanbulda Atatörek aêroportında matbuğat cıyılışı uzdırdı. Ärdoğan anda Törkiyä belän Katar mönäsäbätläreneñ duslıq, strategik perspektiva belän torğan sayın köçäyüen söyläde. İlbaşı äytüençä, ike däwlät tä üz poziśiyälären köçle räweştä saqlıy.

Ärdoğan, Katardan tış, Farsı qultığındağı başqa illär belän dä xezmättäşlekne üsterergä tırışuların äytte.

“Farsı qultığı regionında dialog işekläreneñ qabat açıluı häm yalğış añlaşularnı beterü yünäleşendä alıp barılğan diplomatik tırışlıqlarnı zur qanäğat’lek belän qabul itäbez,”-dide ul häm Törkiyäneñ älege töbäktägelär belän mönäsäbätlären, berlektäşlekne häm yärdämläşüne köçäytergä äzer buluın citkerde.

Törkiyä ilbaşın başqala Doxada Katar ämire şäyex Tämim bin Xamed Al Sani räsmi tantana belän qarşı alaçaq.

İke lider küzgä-küz oçraşu uzdıraçaq. Anda Törkiyä belän Katar mönäsäbätläre barlıq yaqları belän qaralır dip kötelä. Şulay uq, Äfğanstan, Süriyä häm Liviyäne dä kertep regional’ täräqqıyät’lär turında da fiker alışu planlaştırıla.

Ärdoğannıñ säfäre barışında Katar belän xezmättäşlekne arttıru öçen dä adımnar yasalaçaq. Monıñ qısalarında, ike ilneñ yuğarı strategik komitetınıñ 7nçe cıyılışı tormışqa aşırıla.