Törek xatın-qızlarınıñ saylaw häm saylanu xoquqına iyä buluına 87 yıl

Ärdoğan bu uñaydan yasağan belderüendä Törkiyäneñ xatın-qızlarğa saylaw häm saylanu xoquqın bik küp Awrupa däwlätennän aldaraq birüen citkerde

1743150
Törek xatın-qızlarınıñ saylaw häm saylanu xoquqına iyä buluına 87 yıl

Törkiyä ilbaşı Räcäp Tayyip Ärdoğan törek xatın-qızlarınıñ saylaw häm saylanu xoquqına ireşüeneñ 87 yıllığı uñayınnan videoyullama yasadı. Ul Törkiyäneñ 1919nçı yıldan 1922gä qadär barğan Bäysezlek suğışında qaharmanlıq kürsätkän güzäl zatlarğa mondıy xoquqnı bik küp Awrupa däwlätennän aldaraq birüen citkerde.

“Xatın-qızlarıbıznıñ bu mömkinlekkä Awrupadağılardan küpkä alda iyä buluı millätebezneñ xanımnarıbızğa qaraşın çağıldıruçı ähämiyätle kürsätkeç,”-dide ilbaşı.

Ärdoğan äytkänçä, gazıy Mostafa Kämal Atatörek 1934nçe yılda xatın-qızlarğa saylaw häm saylanu xoquqı birep üzeneñ zamannan alda kürä aluın kürsätkän.  Ul soñğı 19 yılda xatın-qızlarnıñ älege xoquqların tağın da irekle räweştä qullanuın belderde.

“Bez xatın-qızlarıbıznıñ, berwaqıtta da ayırıp qaramıyça, çın mäğ’näsendä xoquqları, ireklärenä ireşüläre öçen tırışabız,”-dip söyläde Törkiyä ilbaşı.



Bäyläneşle xäbärlär