Törkiyä parlamentı başlığı Şäntop Pol’şada

Törkiyä Böyek Millät Mäclese başlığı Mostafa Şäntop Pol’şa belän här ölkädäge ike yaqlı häm küp yaqlı xezmättäşlekne tağın da üsterergä teläwlären belderde

1741956
Törkiyä parlamentı başlığı Şäntop Pol’şada

Mostafa Şäntop Pol’şa oçraşuları qısalarında çärşämbe könne Pol’şa Senatı başlığı Tomasz Grodzki belän küreşep söyläşte.

Dus häm berlektäş Pol’şada buludan şat buluın belderüçe Şäntop: "Törkiyä häm Pol’şa 6 ğasırdan kübräk diplomatik mönäsäbätlärgä iyä ike dus häm berlektäş il. İllärebez arasında köçle humanitar bağlanışlar häm ürnäk teläktäşlek bar. Tarixta mönäsäbätläre bu çaqlı ozaq waqıtlı häm tığız bulğan däwlät küp tügel”, - dip äytte.

2009nçı yılda strategik urtaqlıqqa ireşkän mönäsäbätlärneñ uñay barışı häm soñğı waqıtlardağı yuğarı däräcäle oçraşularnıñ tizlegennän qanäğät buluın citkerüçe Şäntop: "Pol’şa belän här ölkädäge ike yaqlı häm küp yaqlı xezmättäşlegebezne häm parlementlarara xezmättäşlegebezne tağın da kübräk üsterergä telibez”, - dip äytte.

Şäntop Pol’şanıñ Törkiyäneñ Awrupa Berlegenä äğ’za bulu barışına kürsätkän yaqlawı öçen räxmäten belderde.

Senat Başlığı Grodzki da Törkiyä belän Pol’şa arasında här ölkädä xezmättäşlek öçen potenśial buluına, Törkiyäneñ turizm ölkäsendä pol’şalılarnıñ saylap alğan berençe urınnarı buluına basım yasadı.

Şäntop häm yanındağılar Varşava Pilsudski mäydanındağı Bilgesez soldat häykälenä çäçäk bäylämnären saldı. Şäntop biredä xatirä däftären imzaladı häm monument turında brifing aldı.

Şäntop häm yanındağı wäkillek Varşava patşa sarayına da bardı.



Bäyläneşle xäbärlär