Ärdoğan: “Sinop Ayancık terminal küperen rekord däräcädä tämamladıq”

İlbaşı Ärdoğan Sinop Ayancık terminal küpereneñ açılış tantanasına videoyullama cibärde.

Bıyıl dönyanıñ törle urınnarında bulğanı kebek Törkiyädä dä cimerülärgä, can häm mölkät yuğaltularına säbäp bulğan tabiğıy afätlärneñ barlıqqa kilüen xäterlätüçe Ärdoğan: “Ber yaqtan, yaña tör koronavirus (Kovid-19) kizüe belän köräşebezne alıp barsaq, ikençe yaqtan da, su basu, cirteträw häm yanğın fälaqätläre belän köräştek. Bezneñ belän oxşaş fäläqätlärgä duçar bulğan Awrupadan häm Amerikadan tağın da tizräk, tağın da êffektiv räweştä keşelärebezneñ yärdämenä aşıqtıq. Böten mömkinleklärebez häm oyışmalarıbız belän fäläqätneñ berençe mizgelennän başlap afätkä duçar bulğan qardäşlärebezneñ yanında buldıq. Yaralarnıñ beterelüe, zararlarnıñ kompensaśiyası häm afät töbäkläreneñ yañadan torğızıluı öçen bar köçebezne quydıq”, - dip äytte.

11nçe avgustta barlıqqa kilgän su basu fäläqätennän soñ cimerelgänneñ urınına tağın da yaxşırağın, tağın da nıq bulğanın salaçaqbız dip süz birülären xäterlätüçe Ärdoğan: "Bügen Sinopta bu süzebezne tormışqa aşırunıñ ğorurlığın yäşibez”, - dip äytte.

110 metr ozınlığındağı terminal küperen 80 kön kebek rekord waqıtta tämamlap, açuğa äzer xälgä kiterülären äytep uzuçı Ärdoğan başqa proyektlar belän bäyle barışlarnı da yaqınnan küzätep baruların belderde.