"Terrorğa qarşı köräştä xezmättäşlek bik möhim"

Törkiyä ilbaşı bu xaqta İq’tisadi xezmättäşlek oyışmasınıň 15 nçe sammitı açılışında yasağan çığışında citkerde

1739756
"Terrorğa qarşı köräştä xezmättäşlek bik möhim"
erdogan eit.jpg
erdogan eit1.jpg

Törkiyä ilbaşı Räcäp Tayyip Ärdoğan İq’tisadi xezmättäşlek oyışmasınıň 15 nçe sammitı açılışında çığış yasadı.

Ul üz çığışında terrorğa qarşı köräştä xezmättäşlekkä basım yasadı.

”Bezneň töbäktä, “PKK”, “YPG”, “FETÖ”, “DEAŞ” kebek qanlı terror oyışmalarınnan arınğaç, tınıçlıq,totrıqlılıq häm iq’tisadi üseş tizlänäçäk”,- dide Törkiyä ilbaşı.

Ul Kipr mäs’äläsendä dönyağa möräcäğät’ itep bolay dide: “Kipr törek xalqınıň suveren tigezlegen häm tigez xalıqara statusın terkäw -problemanı çişü açqıçı”.  

Ärdoğan töbäktä transport asqormasın üsterü buyınça êşlärneň däwam itüen belderep, säwdä külämen 100 milliard dollarğa qadär arttırırğa kiräklegen assızıqladı.

Törkiyä ilbaşı citdi gumanitar häm iq’tisadi krizisqa duçar bulğan Äfganstanda yaňa idarä aňlayışın kamilläşterüneň urtaq teläkläre buluın assızıqlap, böten töbäkkä qağılaçaq qaçaq krizisın buldırmas öçen iq’tisadi êşçänlekne torğızırğa kiräklegen äytte.

Ärdoğan Azärbaycannıň töbäktä iminlek-mullıqnı arttıru öçen yasağan adımnarın yuğarı bäyälärgä kiräklegenä basım yasap, “Törkiyä bularaq bez härwaqıt qardäşlärebezneň yanında toraçaqbız” dide.



Bäyläneşle xäbärlär