"Xäläl sertifikatlı tovar häm xezmätlär kübräk saylana"
Törkiyä ilbaşı Ärdoğan Xäläl êkspo yärminkäsenä yullama cibärde
İstanbulda İslam Xezmättäşlek oyışmasınıñ Xäläl êkspo yärminkäse häm 7nçe Xalıqara xäläl oçraşuınıñ açılış tantanası oyıştırıldı.
Kongress üzägendä oyıştırılğan çara häm oçraşunıñ açılış tanatanasına Törkiyä ilbaşı Ärdoğan yullama cibärde.
“Xäläl sertifikatlı tovar häm xezmätlärne çista häm sawlıqlı bulğannarı öçen möselmannar häm başqa din keşeläre könnän-kön kübräk saylıy. Zur alğarış täêmin itkän bu tarmaqnıñ yaña bazarlarğa ireşüen qulaylaştıruıbız kiräk. Bu maqsat belän 2010da açılğan İslam illäre standartları häm texnologiya institutınıñ bik möhim rol’ uynawın küräbez.
Xäläl sertifikatlı tovar häm xezmätlärneñ säwdäsendä xezmättäşlegebezne arttırğan sayın monnan bar keşelek qazanaçaq.
Bar dön’yada Kovid-19 kizüe belän sawlıqlı, çista häm ışanıçlı azıq-tölek belän bäyle borçular artqan çorda oyıştırılğan bu oçraşunıñ üz ölkäsendä borılış noqtası bulaçağına ışanam,” – dide.
Çara xӓlӓl sertifikatlı sӓwdӓ külӓmen arttıru, yaña bazarlarğa ireşü hӓm tarmaqtağı tӓraqqıyӓt’lӓrne yaqınnan küzӓtep baru maqsatı belӓn uza.
Xӓlӓl Êkspoda 25tӓn artıq ildӓn qatnaşa. Çara azıq-tölek belӓn ber rӓttӓn kosmetika, finans hӓm turizm kebek ölkӓlӓrdӓn şaqtıy wӓkilne oçraştıra. Aldınğı şirkӓtlӓr belӓn küreşü hӓm ixtimallı êş potenśialın qaraw mömkinlege tudırıla.
