Ärdoğan: “Belem aluda tigez mömkinlek forsatı”

İlbaşı Ärdoğan Törkiyä mäğarif waqıfı oyıştırğan İstanbul mäğarif sammitına video yullama cibärde.

Törkiyäne, millätneñ qıymmätlären häm global’ nigezlärne çiklärneñ ar’yağında uñışlı räweştä wäkillek itkän oyışmalarnıñ berseneñ dä Törkiyä mäğarif waqıfı buluın iskärtep uzuçı Ärdoğan waqıfnıñ bügen 6 törle qıytğanıñ 47 ilendä açqan 414 uqu yortı belän yaqınça 50 meñ uquçığa xezmät birüen añlattı.

Dön’yanıñ iñ qatlawlı, iñ awır cirlärendä waqıf xezmätkärläreneñ fidaqär’ räweştä, ixlas küñeldän êşçänlek alıp baruların belderüçe Ärdoğan: "Törkiyä mäğarif waqıfı barı tik “FETÖ”çı äxlaqsızlar säbäp bulğan zıyannıñ beterelüendä genä tügel, ber ük waqıtta êşçänlek alıp barğan illärdä mäğariftä forsat tigezlegeneñ täêmin itelüendä dä möhim rol’ uynıy. Mäğarif mäktäplärebez cirle uqıtu programması belän bergä xalıqara mäğarif sistemaların da qullanıp, dönyanıñ üzgärüenä häm üseş aluına, duslıqnıñ üsüenä öleş kertä. Törkiyä şuşı êşçänlege belän Berläşkän Millätlär Oyışmasınıñ 2030nçe yıl vizion dokumentına kertelgän totrıqlı üseş öçen sıyfatlı belem birü maqsatlarına da öleş kertä”, - dip äytte.

Däwlät başlığı waqıf uqu yortlarınıñ belem birü sıyfatı belän bergä fidaqär’ personalı belän dä êşçänlek alıp barğan illärdä zur bäyä aluın belderde.

Ärdoğan: "İstanbul mäğarif sammitınıñ waqıfıbıznıñ yul kartasınıñ bilgelänelüe häm uñış grafigınıñ arttırıluında borılış noqtası buluın telim”, - dip äytte.