Törkiyädä lokdaun bulmayaçaq
Sälamätlek saqlaw ministrı Fahrettin Koca Törkiyäneñ yaña tör koronavirus (Kovid-19) belän köräşendä komendant säğäten hiç uylamawların äytte
Awrupada artqan awırtu oçraqları arqasında şaqtıy ildä çikläwlär qabat ğamälgä kerde.
Yul kartasın üzgärtmäwçe Törkiyädä isä lokdaun bulmayaçaq, kizü belän köräştä iñ täêsirle qoral vakśinaśiyäläw bulaçaq.
Fahrettin Koca kiçäge Kabinet cıyılışınnan soñ yasağan belderüendä: "Yabılunı berniçek tä uylamıybız. Yaña çorda individual’ çaralarğa, bigräk tä vakśinaśiyäläwgä bik zur ähämiyät biräbez. Härkemneñ privivka yasatunıñ bik möhim buluın äytäbez”, - dip iskärtep uzdı.
Törkiyädä êşläp çığarılaçaq koronavirus daruında kilep citelgän êtapqa tuqtalıp uzuçı Koca: "Törkiyädäge citeşterüen iñ irtä çorda häm berdän kübräk üzäktä tämamlap, däwlätkä çığımnarın minimal’läşterep watandaşıbıznı “Molnupiravir” daruı belän buşlay täêmin itüne maqsat itäbez. Bu da bik ozaqqa suzılmas”, - dip äytte.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı
