“Kiber watan çiklärebezne saqlaw här qarış cirebezne saqlaw qadär möhim”

Fuat Oktay Törkiyä kiber qurqınıçsızlıq törkeme tarafınnan bıyıl 2nçese oyıştırılğan Milli kiber iminlek sammitında qatnaştı.

Änkara säwdä palatasınıñ Yärminkä häm kongress üzägendäge yuğarı däräcäle oçraşuğa Fuat Oktay belän bergä İlbaşı idaräse saqlanu sänäğäte başlığı İsmail Dämir, İlbaşı idaräse sanlı üzgärtü ofisı başlığı Ali Taha Koç häm küp sanda qunaq kilde.

Oktay, yaña tör koronavirus (Kovid-19) kizüeneñ yoğıntısı belän dä tormışnıñ här uzğan kön tağın da kübräk sanlı mäydanğa küçüenä basım yasap, kiber yanawlarğa qarşı cirle häm milli qalqannarnı qamilläşterü häm kiber watanda tulısınça möstäqıyl’ bulu öçen yuğaltaçaq 1 minutlarınıñ da xätta bulmawın belderde.

Texnologiyadä häm mäğ’lümattä östenlek itüçeneñ mäğ’lümatne sanlı moxitta citeşterüçe, qullanuçı häm saqlawçı êlementlarda da östen bulacağına iğ’tibarnı yünältüçe Oktay:

“Bu wazğiyät iminlek añlayışın da üzgärtkän, monnan arı fizik qurqınıçsızlıqnıñ kiber iminlek belän, cirle programma belän, yasalma aqıl belän häm sanlı sänäğät belän nığıtıluı zarur. Kiber watan çiklärebezne saqlaw här qarış cirebezne saqlaw qadär möhim. Kiber texnologiyälärdä aldınğı torışqa küçü isä milli texnologiya adımıbıznıñ iñ ähämiyätle öleşlärennän berse. Bu qısada bez bigräk tä soñğı 5 yıl êçendä kritik asqormalarıbıznı saqlaw belän bergä kiber köç saluğa häm yanawlarnı iñ tiz räweştä bilgeläp totqarlawıbıznı täêmin itüçe “texnologik çaralar”ğa ayıruça yünälgän wazğiyättä”, - dip äytte.

İsmail Dämir dä bügengä çaqlı cirle häm milli mömkinleklär belän qamilläşterelgän 275tän kübräk êşlänmäneñ häm 400dän kübräk xezmätneñ êçke häm tışqı bazarğa täq’dim itelüen belderde.

Ali Taha da, sanlı texnologiyalarnıñ tormışnı ciñeläytüenä basım yasap, bu ölkädä abaylap alunıñ möhimlegenä iğ’tibarnı yünältte.

Fuat Oktay soñınnan qatnaşuçılarğa büläklären tapşırdı.

Kiber iminlek atnalığı çaraları 26nçı noyabr’gä xätle däwam itäçäk.