Altun: “300 millionlıq törki dönya yañadan uyana”

İlbaşı idaräseneñ êlemtä başlığı Fahrettin Altun: "Törki Şura bügen İstanbulda Demokratiya häm irek utrawında cıyıla. Tağın ber märtäbä bergäläşep “urtaq uzğanlıq, urtaq kiläçäk”, - dip äytäbez. İq’tisadtan diplomatiyağa, mäğariftän texnologiyağa qadär şaqtıy ölkädä strategik xezmättäşlegebezne tağın da köçäytäbez”, - dip belderde.

Altun sośial’ media akkauntınnan Törki Şura belän bäyle vidoyazmasın urtaqlaştı.

Fahrettin Altun: "Urtaq qawem, urtaq tel, urtaq din häm urtaq uzğanlıq, ğasırlar buyı çit il köçläreneñ täêsire belän ber-bersennän ayırım qalğan 300 millionlıq törki dönya yañadan uyana”, - dip başlanğan videoyazmasında Törki Şuranıñ niçek itep formalaşuın añlata. Törki Şura qarşında alıp barılğan qayber proyektlarğa da tuqtalıp uzılğan videoyazmada:

"Zur potenśialın abaylap alğan törki dönya Törki Şura tüşäme astında urtaq qıymmätlärneñ häm uzğanlıqnıñ yaqtılığında kiläçäkkä tağın da ışanıçlı adımnar yasıy. 2040 vizionı qısalarında pasportqa ixtıyac bulmıyça qawemdäşlärneñ böten törki dönya buylap irekle räweştä säyäxät itä aluı, äğ’za illär arasında irekle säwdä töbäkläreneñ buldırıluı kebek maqsatlar belän yaña däwergä kergän Törki Şura aldıbızdağı çornıñ nigezlären salu öçen İstanbulda cıyıla. Söyeneçläre, qayğıları urtaq bulğan törki dönya Törki Şura belän kiläçäkkä ışanıç belän qarıy," – dip äytte.