N'yu-Yorkta Törkiyä Cömhüriyäte tözelgän könne bäyräm ittelär

Amerika Quşma Ştatlarınıñ N’yu-York şähärendä sentyabr’ ayında qullanılışqa tapşırılğan yaña Törek yortı binasında täwge tantanalı qabul itü oyıştırıldı. 29nçı oktyabr’ –Cömhüriyät köne uñayınnan uzuçı çarağa çaqırıluçılar şaqtıy küp ide. Alarnı Törkiyäneñ N’yu-Yorktağı baş konsulı Räyxan Özgür qabul itte.

Kiçä programması Törkiyä häm AQŞnıñ gimnnarı belän açıldı. Baş konsul Räyxan Özgür ilbaşı Ärdoğannıñ sälamläwen uqıdı. Ul Amerikadağı törek watandaşları belän ozaq waqıttan soñ qabat küreşülärenä söyenüen belderde.

Kiçä törek muzıkası häm skripka konśertı belän däwam itte.

N’yu-Yorkta 29nçı oktyabr’ tantanaları qısalarında Manxettenda Törkiyä bayrağı kütärelde.