Ğıyraqtan şähit xäbäre kilde

Ğıyraqnıñ tön’yağında “Pänçä-Acağan” operaśiyäse töbägendä terrorçılar quyğan minağa êlägep ber törek ğaskäriye hälaq buldı. Bu xaqta Törkiyä milli saqlanu ministrlığınnan belderdelär.

Qayğınamädä bolay diyelä: “Pänçä-Acağan operaśiyäse töbägendä, bügen, terrorçılar quyğan quldan yasalğan minanıñ şartlawı näticäsendä ber kaharman suğışçan iptäşebez şähit buldı. Bezne tirän qayğı häm ärnügä duçar itkän bu waqıyğada ğomere özelgän ğaziz şähitebezgä Allahtan yarlıqaw telibez, ğailäseneñ, Törkiyä qorallı köçläreneñ häm asıl millätebezneñ qayğısın urtaqlaşabız”.

Törkiyä armiyäse 24nçe aprel’dä Süriyädän Törkiyägä höcüm itüçe terrorçı oyışmağa qarşı “Pänçä-Acağan” operaśiyase başladı.